不赦島 Shuttle Island

不赦島 (Shuttle Island)

早兩日看《不赦島》，我是帶著非常興奮的心情進埸的。

第一，里安納度是我喜歡的演員；第二，以懸疑為賣點的 Shutter Island，很想看。另外，電影的内容與筆者自身的學習有莫大關係。但，萬萬想不到的是，原來它不是「懸疑片」，而是齣劇情片，而且是套極深的電影，要觀眾好用腦的戲。

重重佈局，其實並非交代劇情，而是導演刻意帶觀眾進入他的圈套。因為一度我們會自以為了不起，猜到真相。但.......最後里安納度的一句話，會立即令觀眾的準備一下子崩裂！至於那是甚麼，還是留待大家親自去發掘吧！

香港娛樂

近呢個月嚟，好似娛樂圈都幾多新聞，連平時唔多睇嘅我都不禁留意多咗！

除咗鬧得熱烘烘嘅「Sa基戀」之外，還有「志雲咖啡局」都好多人好留意，再遠D，到四大唱片公司同三色台為錢鬥氣，重有連帶關係嘅Noway吞食加州窮！看清楚D，會發現香港呢個娛樂圈都好似好有問題！

係外國，藝人拍拖、結婚、生仔，都係平常事，無需要左避右避。在香港，都要到近一代嘅藝人先敢比人知道佢哋有拖拍，有結婚，同曉生仔。唔知佢哋係驚支持者接受唔到定係乜嘢？其實，咪就係大家一直唔講，香港人唔習慣，所以唔好似唔接受囉！只要大家開始大大方方，肯比多D人哋知，其實無人會好介意，又唔係作姦犯科，Fans們唔願意成熟，係佢哋嘅事，藝人只係表演比佢哋睇，而唔係賣身比佢哋！

志雲同四大唱片公司都係一併講好似好D。其實三色台呢十幾廿年，已經係一台獨大，今次出現呢兩件事，其實都係時候比全香港嘅巿民諗下，呢個局面係咪時候要改變一下呢？畢竟三色台嘅節目質素有目共睹，越係得佢哋一個台，節目就越悶，依家就要睇對手肯唔肯比心機搞好自己啦！但係對面台又係幫唔落，當我哋巿民諗住有戲睇，睇返集「絕地反擊戰」嘅事候，對面台竟然係度內訌喎，一時又話你唔啱，一時又話你唔著……唉！一個大好嘅反擊機會白白浪費！兩個台都係度不思進取，以後重邊有人睇電視嫁？你話啦～～

至於唱K……暫時都未見到對香港人有乜大影響，只係希望唔好真係一門獨巿生意啦，香港人已經受得太多啦，我真係驚大家連去唱K都無得揀的話，可能真係會燥爆死呀！

有得揀，我哋先係老闆。觀眾、媒體、藝人各安其份，大家唔好踩過界，大家都會開心D，畢竟大家身處係同一個社會，都係搵啖飯食吓啫，唔好搞到咁複習啦～～

online shopping

你有試過online shopping嘛？

我剛剛就試左我人生第一次online shopping喇！不過就唔係咁順利喇！因為個個網站發生左D小問題，嚇左我成日呀！

其實網上shopping，真係有一定嘅風險！尤其是買衫，無論一手定二手，都會有好多嘢要注意。好似買錯又唔知有冇得refund？SIZE唔啱有無得換啦咁樣？因為好多時亞洲人同鬼佬SIZE又好大分別，重要怕件嘢有咩damage，到時有無得拗？就算當你呢D所有嘢都無問題，解決好晒嗱，去到寄過嚟嗰下都等到你死！

不過千金難買心頭好！等到又真係好開心嘅！大家都分享下你哋online shopping嘅經驗啦！

我今次嘅體驗更特別嘅係，呢個transaction來自我的 BlackBerry® 無線裝置！！

網上買嘢，有時真係好似隔山買牛～～

血色童話 (Let The Right One In)

故事大綱：

瑞典小鎮鄉郊，一位脆弱內向的12歲男生Oskar經常被同學欺凌卻從不敢反擊，怯懦的他一直忍氣吞聲。直至同樣是12歲的新鄰居Eli出現，命運從此改寫。Eli與她的父親一同搬到小鎮上，這位蒼白的小女孩只會在夜晚出沒，而寒冷的天氣似乎對她沒有絲毫影響，令Eli更添神秘感。

不知是巧合還是一股神秘力量，Eli來到這小鎮後，鎮上開始不斷發生一些難以解釋的兇殺案及有人無故失蹤，而且死因極之奇怪，有男人被倒掛在樹上、有人死在結了冰的湖裡、亦有女人在頸項上有被咬的痕跡。血腥事件已成了鎮上常見的現象，但對於內向的Oskar來說，卻被這一連串的陰森故事吸引著，無論跟Eli一起有多危險，Oskar還是被她吸引。倆人之間發生了微妙的感情關係，浪漫在不知不覺間產生，Eli更鼓勵Oskar向欺凌他的同學反擊。

縱使Oskar愈來愈意識到Eli的危險性，但他絕不會拋棄她。對於永遠停留在12歲肉身的Eli，她知道她不能於此地久留，遂要搬走。但當她看到Oskar遇上人生最黑暗歲月，她決定回到鎮上保護她所愛的人。

電影改編自瑞典同名小說，作者約翰林德科維斯特在小說內構想的世界異色天開，血腥、暴力、黑暗、浪漫共冶一爐，妖異驚慄結合浪漫純愛，令人驚異，相繼在多過十二個國家被翻譯成不同語言，成為各地暢銷的異色文學書籍。搬上大銀幕，同樣震驚全球，橫掃國際超過50項殊榮，包括美國及歐洲各國的奇幻影展最佳電影等等，將於5月6日本港正式公映。


來自瑞典的電影，之前很少聽過，但看過其介紹，其實甚為吸引。同是以吸血彊屍來作題材，與吸血新世紀完全不同的拍攝風格和手法，連背景等都截然不同，相信看過吸血新世紀的觀眾都不容錯過。加上來自一個我不認識的國度，或許看的時候有另一個體驗，又或者可以激起另一波熱潮也說不定～～

牛栢葉=Albert Yip

最近聽到嘅新聞，係有高級酒樓將牛栢葉譯成Albert Yip，除咗呢樣，重有好多千奇百怪嘅翻譯，睇完之後都只係覺得係趣聞一則。

但有D人就有好大迴響！有立法會議員話影響香港形象咁話喎～～會唔會誇張咗呀？香港有好多嘢可以令香港蒙羞啦，區區一張酒樓翻譯菜單，無必要被人上綱上線嘅。

反而係成個過程入面，我覺得反映咗一D細微嘅事。首先，成間酒樓都無人發覺張菜單翻譯上出咗問題，呢樣嘢好難令人理解，一個唔識，但都唔會個個都唔識掛？無CHECK過就出街，係好有問題！

另一方面，我就唔係太相信佢哋搵咗一個內地嘅大學生做翻譯，如果你話係香港嘅大學生或者中學生，我反而會信！首先，香港咁多人唔搵，點解會搵咗個內地大學生呢？呢一點已經奇怪，而且係內地嘅大學生，佢哋勤力同求學認真程度，香港學生坐火箭都未必可以追得到，咁馬虎嘅做事方式，大家撫心自問，見得最多嘅反而係身邊嘅香港人，你話係出自內地大學生嘅手筆，我就點都唔會信！

作為食肆，雖然食物質素先係佢哋最重要嘅一環，樣樣嘢都唔應該馬虎了事，但如果連一張菜單出咗咁嚴重嘅問題都發現唔到，咁呢間食肆重值唔值得信賴呢？呢個答案，我留返比大家諗諗……而我呢？我住九龍，天水圍對我嚟講，太遠嗱～～有人請嘅話，當然都會考慮吓啦～～

Tavi

Tavi……可能你未聽過佢個名！唔緊要，但係如果我話你知佢係一個只有13歲嘅小女孩，而佢又俾Macr Jacobs邀請過佢去睇佢嘅2010秋冬裝，真係聽到都覺得羨慕死人呀！！！

最近佢出左件白色既TEE……不過只係喺伊勢丹先有得買，不過件衫上面只係有佢嘅大頭相，不過都要成600蚊。

值唔值真係見人見智喇！！！

公主復仇記

「呢個世上根本就冇王子，淨係得XY，同埋啲扮王子嘅XY... ；呢個世界亦都冇公主，只有巫婆，同埋一啲自以為係公主嘅巫婆...」

早幾日，有朋友仔個FACEBOOK貼左呢句說話出嚟，好多朋友都以為佢比女朋友激親，紛紛留言安慰，唯獨筆者知道該對白之出處，估計只係朋友仔啱啱又再翻睇該片，所以同大家分享，只係大家真係「諗多咗嗱～～」，亦都證明咗，其實呢套戲，實情無乜人睇過！

故事內容，唔同大家多講，大家可以去搵吓，一定會搵到。出自彭浩翔之手，可想而知戲中的題材定必與眾不同，吳彥祖亦只是客串性質，戲份實質不多，戲中的主線在於兩位女角，阿嬌和內地演員陶紅，兩人所擦出的火花，可真不少，本人就覺得十分精采，未知呢套戲又會唔會啱大家口味呢？

第一次睇既時候，已經覺得阿嬌演得不錯，對角色的感覺拿捏得很準。而當阿嬌「出事」之後，筆者即時就諗起呢套戲，心諗莫非真係有感而發？姑勿論如何，大家睇嘅時候不要先入為主，其實戲中，幾個演員都表現出色，絕對是值得一看的電影！

原來連詹瑞文都有客串一角，雖然只是短短分半鐘，已經盡顯其功架！

食在大角咀1

唔知大家知唔知我哋FLASH喺大角咀嘅某一個角落呢？唔知唔緊要，今日要同大家講嘅唔係教大家點嚟我哋呢度，而係介紹一下呢度嘅美食～～

大角咀比人嘅感覺，最少我覺得係～～就係呢度係舊區，亦好多唐樓，或者廠之類嘅物體。係呢D地區，要搵好嘢食都好似幾難，但其實大家低估咗呢度有好多臥虎藏龍……

呢度有間名震港九嘅「油渣麵」，全店只有三幾樣嘢食，以前係隔離街未搬之前更加係當你一坐低，伙計埋嚟就只係問你：「大定細？」即係要大碗定細碗！而曾經有同事話，係的士司機都會識呢間嘢，你上到車同司機大佬講「X記油渣麵」佢哋就識「車」你去，但又從來無人證實過係咪真係得！

另一間就係茶餐廳嚟嘅，同油渣麵係同一條街，開早、午市。佢嘅特式午餐有火腿通粉或者意粉，而佢嘅意粉有意粉味，通粉有通粉味，總之就係好味！大家唔好諗住改出前一丁或者米粉個D，因為佢係唔會改比你嘅，佢哋好有性格架！而個午餐default係有午餐肉奄列，係出面認真少見，而方飽可以改多士，更可以改花生醬、果醬或者煉奶配搭嘅多士，好食到不得了！

今次講住咁多先，下期再同大家講多幾樣大角咀必食嘅嘢！

Chanel Tattoo

出開時裝嘅Chanel，將會喺今年3月推出一套有55個獨立紋身(印水)，名為 -《the Les Trompe L’œil de Chanel》系列，貫徹Chanel嘅風格同pattern，大家又會唔會想將這個品牌紋上身上呢？

拆彈雄心

連奪多個奧斯卡大獎，包括最佳影片，最佳導演等奨款，實在令人期待。但有一樣東西忽然想起的是，雖然此片奪獎無數，但未必一定合香港觀眾的口味。我也未看過此戲，而且此片挾住多個銜頭在香港上畫，我只是想大家看的時候不要先入為主，一味地覺得如何好，我們不要人云亦云，要有自己的主見才對。當然我對此片也是滿期待的，好看也許也是必然的，但是否真的去到「天上有、地下無」的地步，那倒要待各位讀者大家拭目以待，給大家看看Trailer吧，有影像才有真相！

三八婦女節

不經不覺，2010年已經來到了三月，亦即表示2010年已經過了六份之一，說多不多，說少卻倒也不少了。今年的目標，未知大家又進展到甚麼階段呢？來到此時此刻，希望大家繼續努力，因為今年還是有很多日子，要結算，還有差不多十個月的時間啊！

剛剛好，今天是三八婦女節，不知道大家有甚麼慶祝活動呢？沒錯，是慶祝。這個日子可以很多人都忽略的，但要知道婦女在一個社會，一個家庭上作出了很多貢獻，有個為她們而設的節日，並不為過。有好些公司會資助或是津貼所有女性員工進行茶聚活動，甚至有公司會給女性員工半天的休假，你說她們多幸福呢？未知作為讀者的你們又是否有幸於這等公司上班呢？有的話不妨告訴我們。上天為甚麼不公平，為甚麼男仕卻沒有這個享福的機會？真是令人摸不著頭。

我們FLASH呢？對不起，我們沒有這等福利，要是想我們補償的話，最多一會兒午飯的時候「夾返」兩塊叉燒給你吧！

膠鞋

經濟唔好，咩都話cut cost！而家低至converse, high end 到Vivienne Westwood都出膠鞋。不過，而家都變咗係個trend多過係話low budget！可能D人話膠鞋，著兩著就玩完！如果你未試過著、又或者重未攞過上手嘅話，唔怪得你會咁講！不過，當你一試過，你就會完全改觀。一來，夏天將到，著呢D material 一定會涼快D，又可以舒適之餘，又不失elegant！絕對係呢個summer嘅女性必備item呀！

個人強烈推介Vivienne Westwood嘅紅色膠鞋！因為真係好鬼死正！

月滿軒尼詩

《月滿軒尼詩》的故事發生在灣仔這個光怪陸離的地方：新舊交雜、商廈高聳入雲、小學中學俱備、紅燈區夜夜笙歌……而軒尼詩道落在灣仔中間，剛好把這區切成兩半。兩個主角愛蓮(湯唯飾)和阿來(張學友飾)，正是住在這條路的兩旁。二人由互不相識到相遇，到最後深深的走進對方生命裡去，這就譜寫出一個都市愛情故事。

阿來是電器店少東，年過三十，為人隨和善良，沒甚麼大理想，彷與小孩無異。他的父親已不在人世，母親(鮑起靜飾)卻依然風騷，天天濃妝艷抹。住在母子對面的是愛蓮 – 一個寡言倔強、不喜交際、替舅父打理清潔用品店的女子。一天，阿來母親施計替他和愛蓮搞相親。其實，雙方對相親完全不感興趣，更在會面前把自己打扮成醜男醜婦，以免對方真的動起情來。

原來，阿來和愛蓮各自仍記掛著一個人。阿來日夜想念著初戀女友敏如(張可頤飾)，但她早已飛上枝頭，晉身成為名攝影師，活在一個阿來難以理解的世界裡。愛蓮則一心靜候男友阿旭(安志杰飾)刑滿出獄，與她再續前緣，但他們開始發覺，一切可能已經太遲。

一次偶然的機會下，阿來和愛蓮再度見面，二人都放下了當日相親時的那份抗拒、冰冷。慢慢的，愛意萌生了……

「食字」與「潮語」

記得上個星期，在這裡向大家推介過一套電影，名叫「緣滿情人節」。其實當時已經有一個念頭，就是想和大家探討一個問題：「食字」與「潮語」

忘記了打從何時開始，報張雜誌便興起了「食字」這個玩意，但凡同音字詞便會「借」過來用，只要場景適合、合符整體「結構」，便會不斷地使用。漸漸地，由「食字」開始，發展成以單一個字來表達整個詞語，巿民大眾亦慢慢地習慣了這些「溝通模式」，大家亦在日常生活中「無間斷」地使用。近年，更演化成為一種語言、一種文化，大家還替這個文化產物安上了一個富麗堂皇名字—「潮語」。

老實說，我並不反對大家用「潮語」，畢竟它確實有某種的方便，而且在好些情況下能夠表達得很貼切。但要是我在報紙或雜誌的文章上看著「升呢」、「瀨嘢」等字眼，我的確會有「O嘴」的反應。作為大眾傳播媒體，我們本身是有責任將正統的文字及最好的語言向讀者交代，而請容許我斗膽說一句，「食字」與「潮語」委實難登大雅之堂，我相信要陳述好一件事，我們恆常使用的語言已經遊刃有餘！

大家如果有留意，現今二十代至三十代（意即二十至三十歲左右的人），他們的中文水平和對文字的敏感度已經每況愈下，箇中的原因就是他們接觸了太多太多這類型的讀物，令他們對正統的文化或以書面語溝通力有不隸。大家不難發現這代人的書面語在結構上，表達能力上出現很大程度的缺陷，阻礙了他們日常的溝通，亦引起許多誤會，長此下來，我們社會的競爭力和文化只會不斷衰落。

不要搬出甚麼迎合觀眾口味，貼近觀眾水平的廢話來作「擋戰牌」，要是觀眾自己有這個能力分辨好與壞，他們老早就自己跑去製作了，犯不著相信我們這些稱之為「專業」的媒體製作人。身為一個負責任的傳播媒體，我們就肩負起向大眾傳播的責任，將最好的、最正確的、最真實的帶給每個「信任」我們的讀者和觀眾，這樣才是我們傳播媒體需要存在於社會的意義，因為我們可是要將一個社會裡最核心的財產—「文化」，留傳給我們的下一代的重要工具，這，可是一件容不下半點馬虎的事情啊！