廿年前嘅波衫，只係好單純咁去比球員、球證同球迷去分辨球場上嘅不同隊伍，但隨住製造波衫嘅物料進步，加上運動趨向商業化，令波衫不再只掛在球員身上了。現在的波衫除了顏色的配搭變化等都層出不窮，加上布料用上透氣而且輕便，著上身上邊，其實都頗為舒服。況且今時今日嘅波衫在剪裁方面亦相當細心，令波衫不單在功能上有所發揮，更令佢哋都趕上咗時代嘅步伐。
你哋可以見到C朗著住件波衫嗰時，個BODY SHAPE都係好突出嘅，我咁樣講你可能唔多明白，你試想像一下，大家有時喺街度見到好多人著住波衫周圍行，但如果嗰位人兄只要有少少肥，都會成個肚腩走左出嚟！還記得大約十年前，意大利國家隊就有件超貼身嘅波衫，但每個球員都著得好有線條美，個個都六件腹肌走晒出嚟，但喺香港就基本上無人敢著出街，因為無咁FIT嘅身裁，根本襯唔起件「波衫」！
文章
沒有留言:
發佈留言