Neil Barrett

自從Hedi Slimane離開咗Dior Homme之後，真係買少咗Dior Homme。嗰日行開雲咸街嗰邊見到Neil Barrett，咪入去睇下囉！真係有意想不到嘅驚喜呀！真係好靚……好有Dior Homme嘅感覺。如果大家係鍾意skinny style嘅……不妨諗諗佢……又或者親自去睇下喇！我就決定咗聽日去買件西裝褸喇！哈哈～～

緣滿情人節

情人節過了都快要兩個星期了，現在才說這部關於情人節的戲可能有點「為時已晚」的感覺，但「遲到總好過無到」吧！

今年的情人節與大年初一一齊來到，可能很多人會顧此失彼，未必每個人都會過得很「圓滿」，但有看過這部電影的讀者，該會比較緣滿吧！印象中，每逢情人節，荷里活都有類似的作品推出來「迎節」，當然今年也不例外，一樣是例牌的一大堆明星，同樣是沒有轟烈的故事作為背景，其實這卻是最「穩陣」的造法，既不押注在一個人身上，也可以收到不俗的效果。故事來得簡單，就是交代不同的人在同一個節日所遇到的感情小品，看得輕鬆又窩心，真的非常適合情侶觀賞。但若果你是形單隻影的話，入場看看戲中一些「單拖」角色的戲份，也倒有一份同病相憐的共鳴感，你會開始安慰自己，世界上不只得你一個人「慘」吧，最少會令你釋懷一下。

任何情也一樣，來得快或是來得激烈，消退得也快！細水長流的愛情才可以歴久不衰，一個小小的經喜，一個長久付出的關顧，才是我們最要珍惜的，希望大家看過這部電影後都可以領略到箇中的真意吧。

開工啦～～

今天是年初九，大概……所有人都開工了吧！根據各大小書藉或名家所講，農暦的年初六和年初九都是有利於開巿，所以應該最遲最遲要開工的日子都會是今天的了。而我們Flash Magazine早在年初六就開工了，當然也會一起吃開年飯，而有開年飯，當然也少不了開工利是，但說到利是，Flash Magazine的員工就有點不幸了，因為全個公司都暫時未有同事夠資格「派利是」，即是個個員工也是「食白果」，果真是不好意頭。

而在席間，竟然有位同事說，他早一日回到舊公司探舊朋友「順道」拜年，就收獲甚豐，害得其他人既羡慕又妒忌！

其實不管你𢭃的利是多寡，可以於這個農暦年平平安安地過已經算是不錯了，大家回想一下農暦年的前後，很多天災人禍在香港的每一個角落處發生，此時此刻大家可以安然無恙地與家人和朋友聚首一堂已經是相當幸運的一群了。要是大家這個新年有點餘錢的話，就請大家伸出援手，獻出一點愛心，關心和幫助一下有需要的人，相信這個年也會過得豐盛一點吧！

在此不厭其煩地再向各位讀者拜年，

祝各位：

身體健康！

心想事成！

萬事勝意！

Flash Magazine全體仝人敬賀～～

日本大熱Hi-end街頭服—HARE

Hare—備受日本潮流達人追棒的HARE，踏入2010春夏，繼續保留hi-end x street fashion的意念，將hi-end時裝的元素融入街頭服中，演化成獨特的Tokyo street fashion的流行指針。

延續上季美國風，今季HARE的設計亦以Bohemian為藍調，再加上充滿美式街頭味濃的民族圖案，混合鮮豔奪目的色彩中，再滲入不同的items，如腰包、sneakers、scarf等，將色彩奪目的單物，襯在今季同樣大熱的素色打扮上，更顯層次。

Outdoor及美式工人風是今個春夏的主打，HARE將此風格重新編寫，在糜爛的單品，如牛仔items上，加以hi-end的配搭，打造出剛柔並重的對比，令outdoor風更顯變化。

賀歲片

叫得做賀歲片，當然係以賀歲為主打，大家入到戲院都係想輕輕鬆鬆笑一餐啦，所以以下兩套港產賀歲片我都唔多介紹嗱，當大家睇完呢兩套片之後，都希望大家可以笑口常駐啦！恭喜恭喜！

72家租客

花田囍事2010

恭賀新禧

今日係年初二，係度代表Flash Magazine祝大家：

身體健康！
新年進步！
心想事成！

尋日係大年初一同情人節，唔知大家有無為咗呢兩個大日子夾埋一齊嚟而大傷腦筋呢？不過，有得諗，總好過無得諗嘅，況且下一次再有呢個機會嘅時候都已經係38年後，屆時都唔知乜嘢時候囉，所以把握現在呢一刻，珍惜眼前所擁有嘅一切，先至係最重要嘅！

新嘅一年，除咗𢭃利是，其實我哋都應該好好咁諗下未來一年嘅發展。唔同其他國家，佢哋新年只有一個就係1月1日，而我哋中國人就重有農暦新年。我哋係1月所訂立嘅目標，我哋就珍呢個農暦新年去提醒一下自己，我哋究竟準備成點呢？如果重未開始嘅，就要著緊少少，急起直追；如果已經開始左，就可以把握呢個時間做個「瞻前顧後」，睇下有乜嘢不足，或者要注意嘅，再調整番整個計劃，繼續向目標進發，咁先可以事半功倍！

好哪，好哪，農暦新年，唔阻大家咁多時間拜年，希望大家有個快快樂樂嘅農暦新年，一年比一年進步吧！

Alexander McQueen

今次本來係要想寫一篇有關collection point既article。不過，當我聽到有關Alexander McQueen嘅死，我決定再寫一篇。請原諒我嘅任性！

其實Dior Homme喺我心目中永遠都係第一，Alexander McQueen係第二嘅。就算Hedi Slimane走左之後，我都係唔開心左一個月左右。但係今次Alexander McQueen嘅離開，令我意識到，Alexander McQueen 在我心目中已經超越左而家KVA既Dior Homme。一切都嚟得太突然喇！到而家呢刻，我打緊呢篇article，我都覺得自己係發緊夢。喺我個腦入面只係得一首歌，就係James Blunt嘅You are beautiful。

Alexander McQueen同多位著名Designer都係畢業於St Martin's College of Art and Design。我哋失去左一個曾贏過4 次British Designer of the Year Award嘅得主 ─Alexander McQueen。好好咁安息吧！ I love you, and you will always live in my heart！